Daily Archives: 17.11.2012

"ტროტუარი ქვეითებისათვი" ასე ერქვა ფოტო კონკურსსა და გამოფენას, რომელიც ფეხით მოსიარულეთა ზონებში პარკირების შეზღუდვის გასაპროტესტებლად 17 ნოემბერს, თბილისში, რუსთაველის გამზირზე მოეწყო. გამოფენა, რომელსაც ორგანიზება არასამთავრობო ორგანიზაციამ "იარე ფეხით" გაუწია, მთელი დღის მანძილზე გაგრძელდა და მასში დაახლოვებით 80-მა ადამიანმა მიიღო მონაწილეობა. 35 კონკურსანტს შორის შეჯიბრიც ჩატარდა და სამი გამარჯვებული გამოვლინდა. გამოფენით ბევრ უბრალო გამვლელიც დაინტერესდა. კონკურსის მონაწილეებმა ქაღალდზე დაბეჭდილი გაფრთხილებები ტროტურზე უკანონოდ ან დამაბრკოლებლად გაჩერებული მანქანის საქარე მინაზე მოათავსეს, შემდეგ ამ მანქანას ფოტოსურათი გადაუღეს და იგი გამოფენის ორგანიზატორებს გაუგზავნეს. კონკურსის სამმა გამარჯვებულმა საჩუქრად „კონვერსის“ მწვანე, მაღალყელიანი კედი მიიღო. „იარე ფეხით“ ცდილობს დაიცვას ფეხით მოსიარულეთა უფლებები და მიზნად ისახავს, ხელისუფლების დარწმუნებას, როგორც ეროვნულ ისე მუნიციპალურ დონეზე, დაეხმაროს ფეხითმოსიარულეებს და ამ კუთხით, უკეთესი პოლიტიკა გაატაროს. გამოფენის მთავარ მიზანს კი საქართველოში ტროტუარზე მანქანების პარკირების პრობლემის მნიშვნელობის და მოცულობის გამოვლენა წარმოადგენდა. (more...)...

ხელისუფლებას, ბიზნესსა და სამოქალაქო საზოგადოებას შორის უკეთეს თანამშრომლობას გადამწყვეტი მნიშვნელობა აქვს საქართველოს ეკონომიკური განვითარებისთვის. ეს იყო საერთაშორისო და საქართველოს აკადემიური წრეებისა და სხვადასხვა სექტორში მოღვაწე პრაქტიკოსების მთავარი გზავნილი 16-17 მარტს ბათუმში გამართულ კონფერენციაზე - „საჯარო პოლიტიკა მოქმედებაში“. კონფერენციაზე განხილვის მთავარი თემა იყო, როგორ შეიძლება ჯანსაღმა საჯარო პოლიტიკამ ხელი შეუწყოს საქართველოს მდგრად ეკონომიკურ განვითარებას. კონფერენციის სესიები დაეთმო ფინანსური რეფორმების, განთლებისა და საჯარო და კერძო სექტორებს შორის თანამშრომლობის საკითხებს. აღნიშნულ სფეროებში მიმდინარე პროცესები მომხსენებლებმა ეკონომიკური განვითარების ჭრილში განიხილეს და ხაზი გაუსვეს მდგრადი განვითარებისთვის გრძელვადიანი დაგეგმარების მნიშვნელობას. კონფერენციის მთავარმა გამომსვლელმა, ნიუ-იორკის მცირე ბიზნესის სამსახურის კომისარმა, რობერტ ვოლშმა ყურადღება გაამახვილა ნიუ-იორკის საჯარო და კერძო სექტორების თანამშრომლობის წარმატებულ გამოცდილებაზე და ისაუბრა, თუ როგორ შეუძლია ანალოგიურ მიდგომას საქართველოს ქალაქების ეკონომიკური განვითარების წახალისება. კონფერენციის გამორჩეულ მომხსენებელთა შორის იყო ალექსი ალექსიშვილი, საქართველოს ყოფილი ფინანსთა მინისტრი, რომელმაც თავისი მინისტრობის პერიოდში განხორციელებულ წარმატებულ ფინანსურ რეფორმებზე ისაუბრა. ბატონი ალექსიშვილის მიერ წამოჭრილი თემა ილიას სახლემწიფო უნივერსიტეტის პროფესრომა ნიკოლოზ ყაველაშვილმა განაგრძო და განიხილა თუ რა დამატებითი ფინანსური რეფორმები უნდა გაატაროს...

რობერტ ვოლშმა კარგად იცის, როგორ ახერხებენ დიდი ქალაქები ეკონომიკური ზრდის ხელშეწყობას. იგი 2002 წილდან ნიუ-იორკის მერის, მაიკლ ბლუმბერგის ადმინისტრაციაში მცირე ბიზნესის სამსახურის კომისარია. ამ ხნის მანძილზე მან ძირეულად შეცვალა მცირე ბიზნესის სამსახურის მუშაობის სტილი და გააუმჯობესა მერიის ურთიერთობა ნიუ-იორკში დარეგისტრირებულ 200,000 მცირე ბიზნესთან. რობერტ ვოლშის ხელმძღვანელობით შექმნილმა ბიზნესის განვითარების უბნებმა (BIDs) ეკონომიკურად გამოაცოცხლა ნიუ-იორკის 67 უბანი. რობერტ ვოლში საქართველოს 12-17 მარტის განმავლობაში, EWMI G-PAC-ის პროგრამის ფარგლებში სტუმრობდა. იგი შეხვდა ქალაქ თბილისის ეკონომიკური პოლიტიკის სამსახურის ხელმძღვანელს, ბიზნეს ომბუდსმენს და საქართველოს მთავრობის სხვა წარმომადგენლებს. შეხვედრებზე განიხილეს საქართველოს სხვადასხვა ურბანული ცენტრების განვითარების გრძელვადიანი შესაძლებლობები. რობერტ ვოლში მთავარი მომხსენებლი იყო EWMI G-PAC-ის კონფერენციაზე „საჯარო პოლიტიკა მოქმედებაში“, რომელიც 16 მარტს, ქალაქ ბათუმში გაიმართა. ყველა შეხვედრის თუ სიტყვით გამოსვლის დროს რობერტ ვოლში განსაკუთრებით უსვამდა ხაზს ბიზნესის განვითარების უბნების როლს ნიუ-იორკის ეკონომიკური ზრდის ხელშეწყობაში და საუბრობდა ამ მოდელის საქართველოში დანერგვის შესაძლებლობებზე. ბიზნესის განვითარების უბნები ადგილობრივ ხელისუფლებასა და ბიზნესის წარმომადგენლებს შორის თანამშრომლობის ფორმაა, რომელმაც მსოფლიოს მრავალი ქალაქის განვითარებას შეუწყო ხელი. ანგარიშში, რომელიც რობერტ ვოლშმა 22 მარტს წარუდგინა თბილისის...